- DAMA
- I.DAMAArab. Fel. vicus. Ptol.II.DAMAPythagorae filia, et ipsa philosophiae sectatrix, quae ingenium ac doctrinam in exponendis paternis sententiarum involucris exercuit. Cael. Rhodig. l. 4. c. 1. vide et Damo.III.DAMAinter semifera animalia memoratur Plin. l. 8. c. 53. sunt capreae ------ sunt et damae et pygargi et strepsicerotes, multaque alia haud dissimilia. Gallis Isarus hodie, seu Sarrius, ex Graeco ἴξαλος, ἰξάλου αἰγός. Πηδητικην` interpretantur Grammatici ἴςαλον di xêre recentiores. At quos Damas Galli vocant, platycerotes sunt Veterum, cervorum genus. Salmasl. ad Solin. P. 224. Ceterum damae timidi Poetis audiunt, vulgato epitheto. Virgil. Georgic. l. 3. v. 559.---- timidi damae, cervique fugaces.Stat. Achill. l. 2. v. 408.Numquam ille imbelles Ossaea per avia lyncesSectari, aut timidos passus me cuspide damasSternere etc.At quam fortia tentent proelia, innuit Martial. l. 4. Epigr. 35.Frontibus adversis molles concurrere damas.Vidimus, et fati sorte iacere pariEt l. 4. Epigr. 74.Aspicis, imbelles tentent quam fortia damaeProelia? tam timidis quanta sit ira feris?In mortem parvis concurrere frontibus audentVis, Caesar, damis parcere? mitte caner.Quasi plus periculi ipsae sibi mutuo creent, quam canes infestissimi, etc. Plura de illis vide apud Sam. bochart. de Animalib. S. Script. Part. prior. l. III. c. 27. uti et supra voce Algazet.
Hofmann J. Lexicon universale. 1698.